ආරක්ෂක අංශවල කටයුතු වෙනුවෙන් චීනයෙන් රුපියල් කෝටි 260ක මූල්‍ය පරිත්‍යාගයක් « Siyatha 24
Generic placeholder image

May
15

ආරක්ෂක අංශවල කටයුතු වෙනුවෙන් චීනයෙන් රුපියල් කෝටි 260ක මූල්‍ය පරිත්‍යාගයක්

214 Views


Generic placeholder image

ත‍්‍රස්තවාදය ශ‍්‍රී ලංකාවෙන් මුලිනුපුටා දමා ජාතික ආරක්ෂාව තහවුරු කිරීමට ශ‍්‍රී ලංකාවට ලබාදිය හැකි සෑම සහයක්ම ලබාදෙන බව චීන ජනාධිපති ෂි ජින්පින් මහතා ජනාධිපති මෛතී‍්‍රපාල සිරිසේන වෙත සඳහන් කර තිබෙනවා. ඒ ඊයේ චීන ජනාධිපති අතර තිබූ නිල හමුව අතරතුරදීයි.

ශ‍්‍රී ලංකාව තුළ මතුවූ මෙම හදිසි තත්ත්වය හමුවේ ආරක්ෂක අංශවල කටයුතු වෙනුවෙන් ජනාධිපතිවරයාගේ ඉල්ලීම පරිදි රුපියල් කෝටි 260ක මූල්‍ය පරිත්‍යාගයක් ලබාදීමට ද චීන රජය පියවර ගෙන තිබෙනවා.එමෙන්ම ශී‍්‍ර ලංකා පොලිස් දෙපාර්තමේන්තුව සඳහා රුපියල් කෝටි 150ක් වටිනා ජීප් රථ 100ක් ඇතුළු පහසුකම් වහාම ශ‍්‍රී ලංකාවට ලබාදීමට ද චීන ජනාධිපතිවරයා එකඟතාවය පළ කර තිබීමත් විශේෂත්වයක්.

මේ අතර දෙරටේ ආරක්ෂක අංශවල සහයෝගීතාව වෙනුවෙන් නව අවබෝධතා ගිවිසුමකට අත්සන් තැබීම ද මෙම රාජ්‍ය නායක හමුවෙන් අනතුරුව සිදු වුණා.චීන ජනාධිපතිතුමා මෙහිදී පවසා ඇත්තේ ලොව කොතැනක වුව ද ම්ලේච්ඡ ත‍්‍රස්තවාදය තමා දැඩි ලෙස හෙළා දකින බවයි.


Siyatha Videos
Modara Bambaru
Most Popular