මහනුවර ඇසළ පෙරහැර සාර්ථකව නිමාවට පත් වෙයි « Siyatha 24
Generic placeholder image


Aug
15

මහනුවර ඇසළ පෙරහැර සාර්ථකව නිමාවට පත් වෙයි

137 Views


Generic placeholder image

මෙවර මහනුවර ඇසළ පෙරහැර මංගල්‍ය සාර්ථකව අවසන් කළ බව දැක්වෙන පෙරහැර සංදේශය අද පස්වරුවේ ජනාධිපති මෛත්‍රීපාල සිරිසේන මහතාට භාර දීමට නියමිතව ඇති බව වාර්තා වෙනවා. ඒඅනුව ශ්‍රී දළදා මාලිගාවේ දියවඩන නිලමේ ප්‍රදීප් නිලංග දෑල මහතා ප්‍රමුඛ සතර මහා දේවාලවල බස්නායක නිලමේතුමන් විසින් ජනාධිපති මන්දිරයට ගොස් ජනාධිපතිවරයා වෙත සංදේශය භාරදීමෙන් අනතුරුව මෙවර ඇසල පෙරහැර මංගල්‍ය නිල වශයෙන් නිමාවට පත් වෙන බව සදහන් වේ.

මෙවර මහනුවර ඇසළ පෙරහැර මංගල්‍යයේ 05 වන රන්දෝලී පෙරහැර හෙවත් මහා පෙරහැර ඊයේ රාත්‍රී මහනුවර නගරයේ වීදි සංචාරය කෙරුනු අතර ඊයේ දිනයේ පෙරහැර කරඬුව වැඩමවීම සිදුකරනු ලැබුවේ රුහුණු කතරගම මහ දේවාලයේ වාසනා හස්තියා විසින් වන අතර දෑල ඇතුන් ලෙස දළදා මාලිගා ඇත් පන්තියේ සිංහ රාජා හා මියන් රාජා ගමන් කරනු ලැබුවා.අද අලුයම සිව් මහා දේවාලවලින් පිටත් වූ දිය කැපුම් පෙරහැර මහවැලි නදියේ ගැටඹේ තොටේ දී දිය කැපුම් මංගල්‍යය පවත්වා මහනුවර පුල්ලේයාර් කෝවිල වෙත පැමිණ ආගමික වතාවත්වල නිරත වුණා.






Siyatha Videos
Most Popular