නිරිතදිගට අද සිට වැසි තත්වයේ වැඩි වීමක්.

338 Views

දිවයිනේ නිරිතදිග කොටසේ වැසි තත්වයේ සුළු වැඩිවීමක් අද සිට අනිද්දා දක්වා ඇති විය හැකි බව කාලගුණ විද්‍යා දෙපාර්තමේන්තුව පවසනවා. එම දෙපාර්තමේන්තුව සදහන් කළේ බස්නාහිර, සබරගමුව, මධ්‍යම පළාත්වලටත් ගාල්ල හා මාතර දිස්ති‍්‍රක්කවලටත් විටින් විට වැසි ඇතිවිය හැකි බවයි.

ඇතැම් ප්‍රදේශවල මිලිමීටර 50 ඉක්මවූ වැසි ඇතිවිය හැකි වනවා. දිවයින හරහා විටින් විට හමන පැයට කිලෝමීටර 50 ත් 60 ත් අතර තද සුළං අපේක්ෂා කළ හැකියි. එමෙන්ම දිවයින අවට මුහුදු ප‍්‍රදේශවල සුළගේ වේගය ද ඉදිරි දිනවලදී ඉහළ යා හැකි බවයි කාලගුණ විද්‍යා දෙපාර්තමේන්තුව පවසන්නේ.

ඒ සම්බන්ධයෙන් ධීවර හා නාවික ප‍්‍රජාව අවධානයෙන් පසුවිය යුතු වනවා.