උතුර – දකුණ යා කරන්න කොළඹ ආනන්දය හදපු අපූරු පාලම

4009 Views

බෞද්ධ අධ්‍යාපනය මුලික කරගත් පාසලක් වන කොළඹ ආනන්ද විද්‍යාලයත්, දමිළ සහජීවනය පුනුරුදය වූ යාපනයේ හින්දු විද්‍යාලයත් බොහෝ උගතුන්, වියතුන් වගේම වීරවරුන් ද මෙරටට දායාද කරලා තියෙනවා. සිංහල දමිළ මිතුදම් අලුත් කරමින් මෙම පාසල් එකමුතුව සංවිධානය කරන වී .ටී . එස්. සිවගුරුනාදන් අනුස්මරණ කුසලානය හත් වෙනි වරට මෙවරත් පැවැත්වීමට සූදානම්.

යාපනය හින්දු විද්‍යාලයේ කීර්තිමත් ශිෂ්‍යයෙක් වගේම ආනන්ද විද්‍යාලයේ දියුණුව වෙනුවෙන් කැපවුණු දක්ෂ ගුරුවරයෙක් වන වී .ටී . එස්. සිවගුරුනාදන් සිහිකිරීම වෙනුවෙන් තමයි මෙම තරඟාවලිය සංවිධානය වෙන්නේ. 2012 වසරේ ආනන්ද විද්‍යාලීය 125 වන සංවත්සරය මුල් කරගෙන ඇරඹුණු මෙම තරඟාවලිය ” Wielding the Willow” නමින් නම් කරලා තියෙනවා.

ආනන්ද විද්‍යාලීය ආදී ශිෂ්‍ය සංගමය සංවිධානය කරන මේ සිවගුරුනාදන් අනුස්මරණ කුසලානය ක්‍රිකට් තරඟාවලියක්, පැසිපන්දු තරඟාවලියක් සහ චෙස් තරඟාවලියකින් සමන්විත වෙනවා. ඒ වගේම පනික්කාර් තනබාලසිංහම් අනුස්මරණ ඉංග්‍රීසි මාධ්‍ය විවාද තරඟයක් මේ සමගාමීව පැවැත්වීමට ද නියමිතයි.

සැප්තැම්බර් 28,29 දෙදින ආනන්ද විද්‍යාලයේ පැවැත්වෙන මෙම වැඩසටහනේ මුලික අරමුණ වී ඇත්තේ සංස්කෘතික සහ සමාජීය සබඳතා වැඩි දියුණු කිරීමයි.