508 Views
අදත් පළාත් කිහිපයකට සහ දිස්ත්රික්ක කිහිපයකට වැසි හෝ ගිගුරුම් සහිත වැසි ඇති විය හැකි බව කාලගුණවිද්යා දෙපාර්තමේන්තුව පවසනවා.
ඒ අනුව උතුරු, නැගෙනහිර, උතුරු මැද සහ ඌව පළාත්වලත් මාතලේ සහ නුවරඑළිය දිස්ත්රික්කවලත් විටින් විට වැසි හෝ ගිගුරුම් සහිත වැසි ඇති විය හැකි බවයි එම දෙපාර්තමේන්තුව නිකුත් කළ නිවේදනයක දැක්වෙන්නේ.
ඇතැම් ස්ථානවලට මිලි මීටර 100ක පමණ වැසි ඇතිවිය හැකි අතර සෙසු ප්රදේශවලට සවස 2න් පමණ පසුව තැනින් තැන වැසි හෝ ගිගුරුම් සහිත වැසි ඇති විය හැකි බව අදාළ නිවේදනයේ සදහන්.
එමෙන්ම සබරගමුව, වයඹ සහ බස්නාහිර පළාත්වලත් මහනුවර දිස්ත්රික්කයේත් ඇතැම් ස්ථානවලට මිලි මීටර 100ට වැඩි තද වැසි ඇතිවිය හැකි බව කාලගුණවිද්යා දෙපාර්තමේන්තුව පෙන්වා දෙනවා.
ගිගුරුම් සහිත වැසි සමග ඇතිවිය හැකි තාවකාලික තද සුළං සහ අකුණු මඟින් සිදුවන අනතුරු වළක්වා ගැනීමට අවශ්ය පියවර ගන්නා ලෙසයි කාලගුණවිද්යා දෙපාර්තමේන්තුව ජනතාවට දැනුම් දෙන්නේ.
