436 Views
අධිකරණයට අපහාස කිරීමේ චෝදනාව මත මේ වන විට බන්ධනාගාරගතව සිටින හිටපු නියෝජ්ය අමාත්ය රන්ජන් රාමනායක මහතා විසින් සිය පාර්ලිමේන්තු මන්ත්රී ධූරය අහෝසි කිරීම වැළැක්වීමේ රිට් ආඥාවක් නිකුත්කරන ලෙස ඉල්ලා ඉදිරිපත්කළ පෙත්සමක් විභාගයට නොගෙනම නිෂ්ප්රභ කිරීමට අභියාචනාධිකරණය නියෝග කළා.
අභියාචනාධිකරණයේ සභාපති විනිසුරු අර්ජුන ඔබේසේකර සහ මායාදුන්නේ කොරයා යන මහත්වරුන්ගෙන් සමන්විත විනිසුරු මඩුල්ල විසින් මෙම තීන්දුව ප්රකාශයට පත්කරනු ලැබුවා. මෙම පෙත්සමේ කිසිදු නීතිමය පදනමක් නොමැති බව තීන්දුව ප්රකාශයට පත් කරමින් අභියාචනාධිකරණයේ සභාපති විනිසුරු අර්ජුන ඔබේසේකර මහතා සඳහන් කළා.
