767 Views
ඊයේ (26) උදෑසන කොළඹ වරාය නගරයේ කෘත්රීම වෙරළ තීරයේ පිහිනමින් සිටි සරසවි සිසුන් අතරින් තරුණයෙකු අතුරුදහන් වී තිබේ.
මෙම සිද්ධිය සම්බන්ධයෙන් කොළඹ වරාය පොලීසියට ලද පැමිණිල්ලක් අනුව විමර්ශන ක්රියාවලි ආරම්භ කර තිබේ.
අතුරුදහන් වූ පුද්ගලයා වයස 24ක් වන අස්ගිරිය, ගම්පහ ප්රදේශයේ පදිංචිකරුවෙකි.
කොළඹ සහ මොරටුව විශ්වවිද්යාලයන්හි සිසුන් පිරිසක් 26 වැනිදා උදෑසන කාලයේ වෙරළ තීරයේ ස්නෝකල් පැළඳගෙන මුහුදු පතුල නිරීක්ෂණය කිරීම සඳහා පිහිනමින් සිටි ආකාරයේදී එකම සිසුවෙකු අතුරුදහන්වී තිබේ.
පසුව, ඔහු පැළැඳ සිටි ස්නෝකලය ජීවිතාරක්ෂක නිලධාරීන් විසින් සොයාගෙන ඇත.
අතුරුදන් වූ පුද්ගලයා සොයාගැනීමට කොළඹ වරාය පොලීසිය, නාවික කොට්ඨාසයේ කිමිඳුම්කරුවන් සහ රංගල නාවික හමුදා කිමිඳුම්කරුවන් එක්ව මෙහෙයුම් දියත් කර ඇති අතර, මේ අතර කොළඹ වරාය පොලීසිය වැඩිදුර විමර්ශන සිදුකරයි.
