499 Views
චීනයේ සමාගමක් විසින් ලොව ප්රථම ගැබ්ගැනීමේ හියුමනොයිඩ් රොබෝවරයා කෘත්රිම ගර්භාෂයක් උපයෝගී කරගෙන නිපදවීමට සැලසුම් කර තිබෙනවා.
ගුවැන්ෂු හි පිහිටි Kaiwa Technology සමාගම විසින් මෙය නිපදවීමට කටයුතු කරමින් සිටින අතර, මෙම හියුමනොයිඩ් රොබෝවරයාගේ උදරයේ කෘත්රිම ගර්භාෂයක් සවිකර තිබෙනවා. චීන මාධ්ය වාර්තා වලට අනුව මෙය කළලයක් දස මාසයක් පුරා වර්ධනය කර දරුවෙකු ප්රසූත කිරීමට හැකිවන පරිදි නිර්මාණය කර තිබෙනවා.
2026 වසරේදී මෙය එළිදැක්වීමට නියමිත අතර, එහි මිල යුවාන් 100,000 ක් (එක්සත් ජනපද ඩොලර් 13,900 ක් පමණ) වනු ඇතැයි අපේක්ෂා කෙරේ. මානව ගර්භනීභාවයේ බරපතලකම මඟ හැරීමට කැමති අයට ගැබ්ගැනීම සඳහා විකල්පයක් ලබා දීම මෙහි අරමුණයි.
මෙම නිවේදනය මහජනතාව අතර දැඩි කතාබහක් ඇති කර තිබෙනවා. මෙහි ආචාර ධර්ම පිළිබඳ ගැටලු මෙන්ම වඳභාවයෙන් පෙළෙන අයට ඇති බලාපොරොත්තු සහගත අවස්ථා පිළිබඳවද විවිධ අදහස් පළ වී තිබෙනවා.
මීට අමතරව, මෑතකදී චීන පර්යේෂකයන් විසින් ලොව ප්රථම AI බලයෙන් ක්රියාත්මක වන ප්රජනන රොබෝවරයා වන GEAIR හඳුන්වා දී තිබෙනවා. මෙය පිරිවැය අඩු කිරීම, චක්ර කෙටි කිරීම සහ කාර්යක්ෂමතාව ඉහළ නැංවීම සඳහා ස්වයංක්රීයව ගමන් කිරීමට සහ හරස් පරාගනය සිදු කිරීමට හැකියාව සහිත රොබෝවක් ලෙසයි සැළකෙන්නේ.
