කැළණි ගඟේ ජල මට්ටම ඉහළට

310 Views

අයහපත් කාලගුණයත් සමඟ කැළණි ගඟේ ජල මට්ටම හා මහ ඔයේ ජල මට්ටම ඉහළ ගොස් ඇති බව වාරිමාර්ග දෙපාර්තමේන්තුව පවසනවා.

කැළණි ගඟේ ජල මට්ටම ඉහළ යාම හේතුවෙන් දෙහිඕවිට, රුවන්වැල්ල, සීතාවක, දැරණිගල, දොම්පේ, අවිස්සාවේල්ල, හංවැල්ල, කඩුවෙල, බියගම, කොළොන්නාව, කොළඹ හා වත්තල ප්‍රදේශීය ලේකම් කොට්ඨාශවල පහත් බිම්වලට ගංවතුර ඇතිවීමේ අවධානමක් පවතින බව එම දෙපාර්තමේන්තුව සඳහන් කරනවා.

මේ අතර මහ ඔයේ ජල මට්ටම ඉහළ යාම හේතුවෙන් අලව්ව, දිවුලපිටිය, මීරිගම, පන්නල, වෙන්නප්පුව, මීගමුව කටාන, නාරම්මල සහ දංකොටුව යන ප්‍රදේශීය ලේකම් කොට්ඨාශවලට අයත් පහත් බිම්වල විශාල ගංවතුර තත්ත්වයක් ඇතිවිය හැකි බවද වාරිමාර්ග දෙපාර්තමේන්තුව අනතුරු අඟවා තිබෙනවා.

ඒ අනුව අදාළ ප්‍රදේශවල සිටින පිරිස් මේ සම්බන්ධයෙන් අවධානයෙන් සිටින ලෙස වාරිමාර්ග දෙපාර්තමේන්තුව ජනතාවගෙන් ඉල්ලා සිටිනවා.