ලබන මස 16 වන දා පැවැත්වීමට නියමිත ජනාධිපතිවරණයට අදාළ නිල ඡන්ද දැන්වීම් පත්රිකා බෙදා හැරීම මේ වන විට ආරම්භ වී තිබෙනවා.
එහි මූලික අදියර ලෙස තැපැල් මූලස්ථානයේ සිට ප්රාදේශීය තැපැල් අධිකාරීවරුන් හරහා තැපැල් කාර්යාලවලට නිල ඡන්ද දැන්වීම් පත්රිකා යොමු කිරීම අද දිනයේදි සිදුකෙරෙන බව තැපැල්පති රංජිත් ආරියරත්න කියා සිටියා.
අනතුරුව ලබන සඳුදා සිට ඡන්ද දායකයින් හට නිල ඡන්ද දැන්වීම් පත්රිකා බෙදා හැරීම තැපැල් කාර්යාල හරහා සිදුකරන බවද තැපැල්පතිවරයා සඳහන් කළා.
ලබන මස 03 වන ඉරුදින නිල ඡන්ද දැන්වීම් පත්රිකා බෙදා හැරීමේ විශේෂ දිනයක් ලෙස නම් කර තිබෙනවා.