ඉන්දීය ප්රිමියර් ලීග් ක්රිකට් තරගාවලියේ 21 වැනි තරගය ලෙස රාජස්ථාන් රෝයල් සහ කොල්කටා නයිට්රයිඩර්ස් කණ්ඩායම් අතර ජායිපූර්හිදී ඊයේ (7 වැනිදා) පැවැති තරගය කඩුලු 8 කින් ජයගැනීමට කොල්කටා නයිට්රයිඩර්ස් පිල සමත්විය.
කාසියේ වාසිය ලැබූ කොල්කටා කණ්ඩායමේ නායක දිනේෂ් කාර්තික් පළමුව පන්දු යැවීමට තීරණය කළේය.
පළමුව පන්දුවට පහරදුන් රාජස්ථාන් කණ්ඩායම ඕවර 20 අවසානයේ කඩුලු 3 ක් දැවී ලකුණු 139 ක් රැස්කිරීමට සමත්විය.
ජයග්රහණය සඳහා ලකුණු 140 ක ඉලක්කයක් හඹාගිය කොල්කටා නයිට්රයිඩර්ස් පිල ඕවර 13.5 කදී කඩුලූ 2 ක් පමණක් දැවී ඉලක්කය පහසුවෙන් ජයගැනීමට සමත්විය.
වේගවත් පිතිහරඹයක නිරතවූ ක්රිස් ලයන් පන්දු 32 කදී හයේ පහර 3 ක් සහ හතරේ පහර 6 ක් සමගින් ලකුණු 50 ක් රැස්කිරීමට සමත්වූ අතර සුනිල් නරේන් පන්දු 25 කදී හයේ පහර 3 ක් සහ හතරේ පහර 6 ක් සමගින් ලකුණු 47 ක් රැස්කිරීමට සමත්විය.