අන්තර් උසස් ජාතික ඩිප්ලෝමා ශිෂ්ය බල මණ්ඩලය සංවිධානය කර තිබූ විරෝධතා පාගමනට මීට ටික වේලාවකට පෙර පොලීසිය විසින් ජල සහ කඳුලු ගෑස් ප්රහාර එල්ල කලා.
ඒ විරෝධතාකරුවන් කොලඹ ලෝටස් මාවත ඔස්සේ ජනාධිපති ලේකම් කාර්්යාලය දෙසට ගමන් කිරීමට උත්සහ කල අවස්ථාවේදීයි.
ඒ අනුව මේ වන විට ලෝටස් මාර්ගය තවදුරටත් තාවකාලිකව වසා දමා තිබෙනවා.
අප වාර්තාකරු පැවසුවේ ඒ හේතුවෙන් එම ප්රදේශය ආශ්රිතව දැඩි රථවාහන තද බදයක් හටගෙන ඇති බවයි.
එම ප්රදේශ තුල ගමනාගමනයේදී විකල්ප මාර්ග භාවිතා කරන ලෙසයි පොලීසිය රියදුරන්ට දැනුම් දී සිටින්නේ.
මහපොල ශිෂ්යත්වය රුපියල් 5 000 ක් දක්වා ඉහල දමන ලෙස රජයට බල කරමින් අන්තර් උසස් ජාතික ඩිප්ලෝමා ශිෂ්ය බල මණ්ඩලය අද පස්වරුවේ එම විරෝධතා පාගමන ආරම්භ කලේ පුංචි බොරැුල්ල නගර මධ්යයෙන්.
Siyatha Top Story | 04:00 PM | Editor : Amila Udaraka