728 Views
රාජ්ය අමාත්ය පාලිත රංගේ බණ්ඩාර මහතාගේ පුත් යශෝධ රංගේ බණ්ඩාර මහතා අතින් පසුගිය 6 වනදා සිදුවූ රිය අනතුරට අදාල තොරතුරු කිහිපයක් අද දිනයේදී හලාවත මහේස්ත්රාත් අධිකරණය වෙත යොමු කරන බව පොලීසිය පවසනවා.
යශෝධ රංගේ බණ්ඩාර මහතා අතින් පසුගිය 6 වනදා සිදුවූ රිය අනතුරට අදාල වාහනය වාරිමාර්ග හා ජල කළමණාකරණ රාජ්ය අමාත්යංශයට අයත් වාහනයක් බවට පොලීසියට පසුගිය 8 වනදා ප්රකාශයක් ලැබුණා. පොලීසිය පැවසුවේ වාරිමාර්ග හා ජල කළමණාකරණ රාජ්ය අමාත්යංශයේ ලේකම් ජේ එම් කපිල ජයසේකර මහතා විසින් ඒ පිලිබදව ආරච්චිකට්ටුව පොලීසිය වෙත දැනුම් දී ඇති බවයි. යශෝධ රංගේ බණ්ඩාර මහතා මේ වන විට ලබන 12 වනදා දක්වා රක්ෂිත බන්ධනාගාර ගත කර තිබෙනවා.
පසුගිය 6 වනදා සිදුවූ අනතුරින් තුවාල ලබා ශ්රී ජයවර්ධන පුර රෝහලේ ප්රතිකාර ලබමින් සිටියදී යශොධ රංගේ බණ්ඩාර මහතාව ආරච්චිකටිටුව පොලීසිය විසින් පසුගිය 8 වනදා අත්අඩංගුවට ගැණුනා. යශෝධ රංගේ බණ්ඩාර මහතා පැදවූ කැබ් රථය ආරච්චිකට්ටුව කෝට්ටපිටිය මන්සන්ධියේදී අනතුරට ලක්වීමෙන් ඔහු ඇතුළු පුද්ගලයින් සිව් දෙනෙකු තුවාල ලැබුවේ පසුගිය 6 වනදා අලූයමදී යි. පොලීසිය පැවසුවේ කැබ් රථයේ වේගය පාලනය කර ගැනීමට නොහැකිව එය තාප්පයකට හානි කරමින් නිවසක් වෙතට ධාවනය වී ඇති බවයි.
SIYATHA FM MORNING NEWS | 06:30 AM | Editor : Sithara Athukorala
