471 Views
ඇමරිකාවේ නිව්යෝක් ටයිම්ස් පුවත්පත් වාර්තාව සම්බන්ධයෙන් ශ්රී ලංකාවේ මාධ්යවේදීන්ට හෝ මාධ්ය ආයතන වලට කිසිදු බලපෑමක් සිදු නොකරන ලෙස හිටපු ජනාධිපති මහින්ද රාජපක්ෂ මහතාට එම පුවත්පත මගින් ඊයේ දැනුම් දීමක් කලා.
විශේෂ මාධ්ය නිවේදනයක් නිකුත් කරමින් නිව්යෝක් ටයිම්ස් පුවත්පත සදහන් කලේ හිටපු ජනාධිපති මහින්ද රාජපක්ෂ මහතාට සිය වාර්තාකරණය පිලිබදව ගැටලූවක් පවතින්නේ නම් වහාම නිව්යෝක් ටයිම්ස් හි ජේ්යෂ්ඨ කතුවරයන් අමතන ලෙසයි.
අදාල පුවත්පත් වාර්තාවේ සදහන් කරුණු සම්පූර්ණයෙන්ම අසත්ය බවත් එය වාර්තා කිරීම සම්බන්ධයෙන් මෙරට මාධ්ය වලට එරෙහිව නීතිමය පියවර ගන්නා බවත් හිටපු ජනාධිපති මහින්ද රාජපක්ෂ මහතා පසුගිය පළමුවනදා කුරුණෑගල ප්රදේශයේදී ප්රකාශ කලා.
2015 ජනාධිපතිවරණය සමයේදී චයිනා හාබර් සමාගම විසින් හිටපු ජනාධිපති මහින්ද රාජපක්ෂ මහතාගේ දේශපාලන කටයුතු සදහා ඇමරිකානු ඩොලර් මිලියන 7.6 ක්ලබා දී ඇති බව නිව්යෝක් ටයිම්ස් පුවත්පත වාර්තා කර තිබුණේ පසුගිය 26 වනදායි.
