554 Views
පුත්තලම කිවුල තරුණ ව්යාපාර ගම්මානයෙන් අතුරුදන් වූ දරුවන් දෙදෙනා සොයා ගෙන තිබෙනවා. ඒ ඊයේ රාත්රියේ කොළඹ වේල්ලවීදිය ප්රදේශයේ බස් නැවතුම්පොලක රැදී සිටියදීයි.
මෙලෙස අතුරුදන් වී සිටියේ කිවුල තරුණ ගම්මානයේ සිටි 07 හා 09 ශ්රේණි වල දරුවන් දෙදෙනෙක්. දරුවන් පසුගිය ඉරිදා සිට අතුරුදන් බවයි ඔවුන්ගේ දෙමාපියන් පොලීසියට පැමිණිල්ලක් ද ඉදිරිපත් කර තිබුණේ.
ඒ අනුව දරුවන් සොයා මෙහෙයුම් ආරම්භ වූ අතර ඔවුන්ගේ බව පැවසෙන පාපැදියන් ද මදුරන්කුලිය ප්රදේශයේ තිබී පොලීසිය සොයා ගත්තා. කෙසේ වෙතත් ඊයේ රාත්රියේ ලද තොරතුරකට අනුව දරුවන් වේල්ලවීදිය ප්රදේශයේ සිටිය දී සිය භාරයට ගත් බවයි පොලීසිය සදහන් කලේ. පොලීසිය මේ වන විට දරුවන් දෙදෙනාගෙන් ප්රශ්න කරමින් සිටිනවා.
