741 Views
බැදුම්කර සිද්ධිය සම්බන්ධයෙන් හිටපු මහබැංකු අධිපති අර්ජුන් මහේන්ද්රන්ට එරෙහි වරෙන්තුව ක්රියාත්මක කිරීමට ගෙන ඇති පියවර පිලිබදව කරුණු දක්වන්නැයි නීතිපතිවරයාට නියෝග කර තිබෙනවා. ඒ අදාල නඩුව කොලඹ කොටුව මහෙස්ත්රාත් ලංකා ජයරත්න මෙනවිය හමුවේ අද කැදවූ අවස්ථාවේදී. අදාල කරුණු දැක්වීම එළඹෙන නඩු වාරයේදී සිදු කිරීමටයි එහිදී අධිකරණය නියෝග කර ඇත්තේ.
පර්පචුලවල් ටේරෂරීස් සමාගමේ හිමිකරු අර්ජුන් ඇලෝසියස් හා එම සමාගමේ ප්රධාන විධායක නිලධාරී කසුන් පලිසේන ලබන 30 වනදා තෙක් යලි රක්ෂිත බන්ධනාගාර ගත කිරීමටද අධිකරණය අද නියෝග කලා.
ප්රශ්න ගත බැදුම්කර සිද්ධිය පිලිබද ජනාධිපති කොමිසන් සභා වාර්තාවේ ඔවුන්ට චෝදනා එල්ලවී ඇති අතර ඒ හේතුවෙන් ඔවුන් අත්අඩංගුවට ගැණුනේ පසුගිය පෙබරවාරි මස 4 වනදායි.
Siyatha Top Story | 04:00 PM | Editor : Amila Udaraka
