576 Views
ශ්රී ලංකා ක්රිකට් ආයතනයේ නිලධාරීන් පත්කරගන්නා නිලවරණයේ ඡන්ද 10ක් දක්වා අඩු කරන බවත් ඒ සඳහා කුමාර් සංගක්කාර සහ මහේල ජයවර්ධන යන හිටපු ක්රිකට් නායකයන් ඉදිරිපත් කළ කෙටුම්පත පිළිගෙන එය ක්රියාත්මක කරන බවත් ක්රීඩා අමාත්ය හරීන් ප්රනාන්දු ශ්රී ලංකාව සහ ඔස්ට්රේලියාව අතර කැන්බරාහී මනුකා ඕවල් ක්රීඩාංගණයේ පැවැත්වෙන දෙවැනි ටෙස්ට් තරගයේ තෙවැනි දිනය අවසානයේ ශ්රී ලංකා ක්රිකට් ක්රීඩකයන්ට සහ තරගාවලිය ආවරණය කිරීම සඳහා ඔස්ට්රේලියාවට පැමිණ සිටින ශ්රී ලංකා ක්රීඩා මාධ්යවේදීන්ට ලබාදුන් විශේෂ රාත්රී භෝජන සංග්රහයෙන් අනතුරුව පවසා සිටියා.
ශ්රී ලංකා ක්රිකට් සඳහා යෝජිත ව්යවස්ථාව මැයි මසට පෙර ක්රියාත්මක කිරීමේ අදහසක් පවතින බවත් මේ දිනවල එහි සංශෝධන පිළිබඳව සාකච්ඡා කරන බවත් අමාත්යවරයා වැඩිදුරටත් පවසා සිටියා.එමෙන්ම ශ්රී ලංකා ක්රිකට් ආයතනයේ නිලධාරීන් පත්කරගන්නා නිලවරණයේ ඡන්ද අඩු කිරීම සඳහා මහේල-සංගා ඉදිරිපත් කළ කෙටුම්පත මෙම සතියේදී කැබිනට් මණ්ඩලයට ඉදිරිපත් කිරීමට තමන් සූදානමින් සිටින බවත් ශ්රී ලංකා ක්රිකට් විනාශ කිරීමේ මාෆියාවට තමන් තිත තබන බවත් ඇමතිවරයා පවසා තිබුණා.
