පෞද්ගලික අංශයට දේශපාලනඥයන්ට බලපැවැත්වෙන ආකාරයටම අල්ලස් නීති සකස් කිරීමට සැලසුම් කර තිබෙන බව අල්ලස් කොමිසම සඳහන් කරනවා.
මීට අමතරව අල්ලස, දූෂණය නැති කිරීම සඳහා සකස් කළ පස් අවුරුදු වැඩපිළිවෙළ මේ මස 18 වැනිදා එළිදක්වන බවද එම කොමිෂමේ අධ්යක්ෂක ජනරාල් නීතිඥ සරත් ජයමාන්න මහතා අද (07දා) පැවැති මාධ්ය සාකච්ඡාවකදී පවසා සිටියේය.
අල්ලස් හා දූෂණ චෝදනා එල්ලව 67 දෙනෙකු පසුගිය වසරේදී වැරදිකරුවන් වී තිබෙන බවත්, නීතිය ක්රියාත්මක වනවා සේම අල්ලස හා දූෂණය නිවාරණය කිරීමේ කටයුතු පවා සිදුකරන බවත් ඒ මහතා පැවසීය.