999 Views
දුම්රිය වෘත්තීය සමිති සහ සමස්ත ලංකා පෞද්ගලික බස් රථ සේවක සංගමය අද මධ්යම රාත්රීයේ සිට වැඩ වර්ජනයකට අවතීර්ණ වීමට නියමිතයි.
දුම්රිය රියදුරු, නියාමකවරු , පාලකවරු සහ ස්ථානාධිපතිවරු එක්ව අද මධ්යම රාත්රීයේ සිට පැය 48 ක වර්ජනයක නිරත වීමට තීරණය කර ඇත්තේ වැටුප් විෂමතා ඇතුලු ගැටලු කිහිපයක් සඳහා විසඳුම් නොලැබීම හේතුවෙන්.
අද සිට දිවයින පුරා එක්දින සංඛේත වැඩ වර්ජනයක නිරත වීමට සමස්ත ලංකා පෞද්ගලික බස් රථ සේවක සංගමය තීරණය කර තිබෙනවා. එම සංගමය සදහන් කලේ රජය විසින් ගෙන ඒමට නියමිත නව රථ වාහන දඩ මුදලට විරෝධය පල කරමින් මෙම වර්ජනය සිදු කරන බවයි.
නව සංශෝධන අණ පනත් හේතුවෙන් බස් රථ රියදුරන් හා සේවකයින් දැඩි අසරණ තත්ත්වයකට පත්ව ඇති බව ඔවුන් පෙන්වා දෙනවා. පවතින මාර්ග නීති රීති හමුවේ වාහන ධාවනය කිරීම ඉතාමත් අසීරු බවයි සමස්ත ලංකා පෞද්ගලික බස් රථ සේවක සංගමය සදහන් කලේ.
බස්නාහිර පළාතේ පෞද්ගලික බස් රථ වල පමණක් ඉදිරිපස හා පිටුපස ළා නිල් වර්ණ ගැන්වීම හා පෞද්ගලික බස් රථ රියදුරන්ට පමණක් නිල ඇඳුමක් නියම කර තිබීම අසාධාරණ බව ද ඔවුන් කියා සිටියා. ඊට විරෝධය පල කරමින් අද මධ්යම රාත්රියේ සිට හෙට මධ්යම රාත්රිය දක්වා වර්ජනය ක්රියාත්මකයි.
