1050 Views
සංචාරක නවසීලන්තය හා ශ්රී ලංකා කණ්ඩායම අතර ඊයේ පැවති දෙවන පන්දුවාර විස්සයි විස්ස ක්රිකට් තරගයේදී අවසන් පන්දුවාරයේදී තරගය ජය ගැනීමට ලකුණු 7 ක් ඉතිරිව තිබියදී පළමු පන්දු දෙකේදී නවසීලන්ත කඩුළු 2 ක් දැවී ගියා. 3 වන පන්දුවේදීද ලබාදුන් උඩ පන්දුවක් ෂෙහාන් ජයසූරිය රැකගත් නමුත් එම උඩ පන්දුව රැක ගැනීමට පැමිණි කුසල් මෙන්ඩිස්ද ඔහුගේ ඇඟේ ගැටීම හේතුවෙන් ෂෙහාන් ජයසූරිය හතරේ සීමාව මත ඇද වැටුණු අතර එය ලකුණු 6 ක් ලෙස තීරණය කෙරුණා. එය තරගයේ තීරණය කෙරෙහි බොහෝ බලපෑම් එල්ල කළා .
කෙසේ වෙතත් මෙසේ තරගය අතරතුර එකිනෙක ගැටුණු කුසල් මෙන්ඩිස් M.R.I ස්කෑන් පරීක්ෂණයකට යොමු කර තිබෙන බව වාර්තා වෙනවා. ඒ අනුව ඔහුගේ සෞඛ්ය තත්වය මත ඉදරි තරගය සදහා ක්රීඩා කරනවාද යන්න තීරණය කරනු ඇති. ෂෙහාන් ජයසුරියගේ තත්වය සාමාන්ය බවද වාර්තා වෙනවා.
