1708 Views
යුධ තත්ත්වය හේතුවෙන් ආබාධිත තත්ත්වයට පත් වූ ත්රිවිධ හමුදාවේ, පොලීසියේ සහ විශේෂ කාර්ය බලකායේ සියලු සාමාජිකයන් හට තමන් විශ්රාම ගිය පසුව ද ඔවුන්ගේ අවසන් වරට ලැබූ වැටුපටම සමාන විශ්රාම වැටුපක් ඔවුන් ජීවත්ව සිටින තාක් ලබා දීමට අමාත්ය මණ්ඩලයේ අනුමැතිය ලැබී තිබෙනවා.
අද (24) දින සිට ක්රියාත්මක වන පරිදි ආබාධිත රණවිරුවන් ජීවත්ව සිටින තෙක් මෙම ගෙවීම අඛණ්ඩව සිදු කරන බවයි මුදල් අමාත්යාශය නිවේදනයක් නිකුත් කරමින් සඳහන් කළේ.
ඒ අනුව ආබාධිත රණවිරුවකු විශ්රාම ගිය පසුව මෙතෙක් ගෙවන ලද විශ්රාම වැටුප හා අනෙකුත් දීමනා වෙනුවට ඔහු විශ්රාම යන අවස්ථාවේ දී ලැබූ මූලික වැටුප හා සියලු දීමනා ඇතුළත් මාසික වැටුප සියලු ආබාධිත රණවිරුවන් හට ගෙවනු ඇති.
ආරක්ෂක අමාත්යවරයා වශයෙන් ජනාධිපතිවරයා ද දැනුවත් කිරීමෙන් පසුව මෙම සහන වීරෝධාර සෙබළුන් වෙනුවෙන් ලබා දීමට මෙම රජයට හැකිවීම සතුටට කරුණක් බව මුදල් අමාත්ය මංගල සමරවීර මහතා සඳහන් කළා.
