736 Views
අපරාධ පරීක්ෂණ දෙපාර්තමේන්තුවට නව අධ්යක්ෂවරයෙක් පත්කර තිබෙනවා.
පොලිස් මුලස්ථානය පැවසුවේ, එම තනතුරට ජ්යෙෂ්ඨ පොලිස් අධිකාරී නිශාන්ත ද සොයිසා මහතා පත්කර අැති බවයි.
මින් පෙර අපරාධ පරීක්ෂණ දෙපාර්තමේන්තුවේ අධ්යක්ෂවරයා ලෙස කටයුතු කළ ජ්යෙෂ්ඨ පොලිස් අධිකාරී ඒ.ආර්.පී.ජේ. ද අල්විස් මහතා ත්රස්ත මර්දන හා විමර්ශන කොට්ඨාසයේ අධ්යක්ෂ ලෙස නම්කර ඇති බව ද පොලිස් මූලස්ථානය නිවේදනය කළා.
පොලිස් මූලස්ථානය නිකුත් කළ නිවේදනයේ දැක්වෙන්නේ, ජාතික පොලිස් කොමිෂන් සභාවේ අනුමැතිය මත අදාළ ස්ථානමාරු කිරීම් සේවයේ අවශ්යතාව මත වහාම ක්රියාත්මක වන පරිදි සිදුකර ඇති බවයි.
මේ අතර මානව සම්පත් කළමනාකරණ දිසාව භාරව කටයුතු කළ නියෝජ්ය පොලිස්පති සජීව මැදවත්ත මහතා මානව සම්පත් කළමනාකරණ බඳවා ගැනීම්, විනය හා ජාත්යන්තර සබඳතා දිසාව භාර නියෝජ්ය පොලිස්පතිවරයා ලෙස පත්කර තිබෙනවා.
