පැසිෆික් ලයිට් කේබල් ජාලය එක්සත් ජනපදය ප්‍රතික්ෂේප කරයි

1331 Views

එක්සත් ජනපදය හොංකොං හා සම්බන්ධ කරන දිය යට දත්ත කේබලයක් චීන දත්ත සොරකමට ඇති බිය නිසා එක්සත් ජනපද රජය විසින් ප්‍රතික්ෂේප කරනු ඇත. ගූගල් සහ ෆේස්බුක් හි සහාය ඇතිව පැසිෆික් ලයිට් කේබල් ජාලය නිර්මාණය කර ඇත්තේ අන්තර්ජාල වේගය සහ ධාරිතාව ඉහළ නැංවීම සඳහා ය. එහෙත් “Team Telecom” නමින් හැඳින්වෙන එක්සත් ජනපද රජයේ කමිටුවක් නිර්දේශ කර ඇත්තේ එක්සත් ජනපදය එය අනුමත කිරීම ප්‍රතික්ෂේප කරන ලෙසයි. 

මෙම තීරණය වෙළඳ යුද්ධයක යෙදී සිටින එක්සත් ජනපදය හා චීනය අතර වැඩෙන ආතතියේ තවත් ලකුණකි. ජාතික ආරක්ෂක හේතුන් මත එක්සත් ජනපදය විසින් ප්‍රතික්ෂේප කරන ලද පළමු කේබලය මෙය බව වාර්තා වේ.

පැසිෆික් ලයිට් කේබල් ජාලය (Pacific Light Cable Network) යනු ලොව පුරා, අන්තර්ජාල සම්බන්ධතාවය සපයන යටි රැහැන් සිය ගණනක් ඇති කේබල් සමූහයකි.ගූගල්, ෆේස්බුක් සහ වෙනත් සමාගම් අතර හවුල්කාරිත්වයක් ලෙස 2016 දී නව කේබලය ප්‍රකාශයට පත් කරන ලදී. ගූගල් සමාගම පැවසුවේ කේබලය දිග කිලෝමීටර් 12,800 ක් (සැතපුම් 8,000 ක්) වන අතර එය පැසිෆික් මාර්ගයේ ඉහළම ධාරිතාවය “highest-capacity trans-Pacific route” වනු ඇති බවයි.