512 Views
එක්සත් ජාතික පක්ෂයේ නව නායකත්වය පිලිබඳ අවසන් තීරණය අද (12) දැනුම්දීමට නියමිතව තිබුණ ද එය නැවත කල්ගිය බව පක්ෂ මහ ලේකම් අකිල විරාජ් කාරියවසම් මහතා පවසනවා.
දැනට නායකත්වයට යෝජනා වී සිටි සිව්දෙනාට අමතරව නවීන් දිසානායක, රුවන් විජේවර්ධන සහ පාලිත රංගෙ බණ්ඩාර මහත්වරුන්ගේ නම් ද අලුතෙන් යෝජනා වී තිබෙනවා.
මින් පෙර පක්ෂ නායකත්වය සඳහා අකිල විරාජ් කාරියවසම්, රවී කරුණානායක, වජිර අබේවර්ධන සහ දයා ගමගේ යන මහත්වරුන් ඉදිරිපත් වී තිබුණා.
ඒ අනුව නායකත්වය සම්බන්ධයෙන් තීරණයක් ගැනීම සඳහා වූ සාකච්ඡාව අද පෙරවරුවේ රනිල් වික්රමසිංහ මහතාගේ නිවසේ දී පැවැත්වුණ අතර ඒ සම්බන්ධයෙන් තීරණයක් ගැනීමට අද නොහැකි වී තිබෙනවා.
නව නායකත්වය සම්බන්ධයෙන් අවසන් තීරණය එළැඹෙන සිකුරාදා ප්රකාශයට පත්කිරීමට නියමිතයි.
