541 Views
කෑගල්ලේ ධම්මික බණ්ඩාර වෙද මහතා නිෂ්පාදනය කළ දේශීය ඖෂධය කොරෝනා රෝගීන් සඳහා ආහාරමය අතිරේකයක් ලෙස ලබා දීමට දේශීය වෛද්ය අමාත්යාංශයේ සහ ආයුර්වේද දෙපාර්තමේන්තුවේ අනුමැතිය හිමිව තිබෙනවා.
එමෙන්ම ආයුර්වේද දෙපාර්තමේන්තුවේ විශේෂඥ කණ්ඩායමක අධීක්ෂණය යටතේ අද එම ඖෂධය නිෂ්පාදනය කිරීමට ද පියවර ගෙන ඇති බවයි වාර්තා වන්නේ.
මේ අතර එම ඖෂධය පිළිබඳ පරීක්ෂණයේ නිල වාර්තාව ඉදිරි දින කිහිපයේදී ලැබෙනු ඇති බව දේශීය වෙදකම ප්රවර්ධන, ග්රාමීය හා ආයුර්වේද රෝහල් සංවර්ධන රාජ්ය අමාත්ය සිසර ජයකොඩි මහතා පවසනවා.
එම ඖෂධය නොමිලයේ ජනතාවට බෙදා දීම නිසා ඊයේ විශාල පිරිසක් කෑගල්ල – හෙට්ටිමුල්ල, උඩමාගම ප්රදේශයට රැස්ව සිටියා.
එහෙත් සෞඛ්ය නිර්දේශ නොතකමින් ජනතාව එහි රැස්ව සිටීම නිසා පස්වරුව වනවිට ඖෂධය බෙදාහැරීම නතර කිරීමටයි පියවර ගැනුණේ.
