454 Views
චීනයේ ටියැන්ජින් නගරයේ පැවැත්වෙන ෂැංහයි සහයෝගිතා සංවිධානයේ (SCO) සමුළුව සඳහා නව්ය තාක්ෂණයක් ලෙස ෂියාඕ හේ නම් මානව හැඩැති රොබෝවරියක් යොදවා තිබෙනවා. අගෝස්තු 31 සිට සැප්තැම්බර් 1 දක්වා පැවැත්වෙන මෙම සමුළුවට රටවල් 20කට අධික සංඛ්යාවක නායකයන් සහභාගී වීමට නියමිතයි.
මාධ්යවේදීන්ට බහුවිධ භාෂා හරහා සහාය වීම සඳහා නිර්මාණය කර ඇති ෂියාඕ හේ, තත්ය කාලීන තොරතුරු සැකසීම, රාජ්ය තාන්ත්රික ප්රොටෝකෝලයන්ට අනුකූලව අන්තර් ක්රියා කිරීම සහ චිත්තවේග හඳුනාගැනීමේ හැකියාවන්ගෙන් ද සමන්විතයි. මෙම රොබෝවරයා ජාත්යන්තර නියෝජිතයින් සහ මාධ්ය අතර සන්නිවේදනය පහසු කිරීමට දායක වනු ඇතැයි අපේක්ෂා කෙරෙනවා.
චීනයේ ටියැන්ජින් නගරයේ පැවැත්වෙන විශාලතම ෂැංහයි සහයෝගිතා සංවිධානයේ (SCO) සමුළුවට සත්කාරකත්වය සැපයීමට සූදානම් බවයි ආරංචි මාර්ග සඳහන් කරන්නේ. මෙම රාජ්යතාන්ත්රික සමුළුවට රටවල් 20 කට අධික සංඛ්යාවක නායකයන් සහභාගී වීමටත් නියමිතයි.
අගෝස්තු 31 සිට සැප්තැම්බර් 1 දක්වා පැවැත්වීමට නියමිත මෙම සමුළුව, තාක්ෂණික නවෝත්පාදනයන් ප්රදර්ශනය කරනු ඇත. ඒ සඳහා, බහුවිධ භාෂා හරහා මාධ්යවේදීන්ට සහාය වීම සඳහා ෂියාඕ හේ නම් මානව හැඩැති රොබෝවරියක් සූදානම් කර තිබෙනවා.
සමුළුවට පෙර ANI සමඟ අදහස් දැක්වූ මෙම රොබෝවරිය “මම ෂියාඕ හේ, 2025 ෂැංහයි සහයෝගිතා සංවිධානයේ සමුළුව සඳහා නිර්මාණය කරන ලද නවීන AI සහායකයෙක්. විශේෂිත සේවා රොබෝවරයෙකු ලෙස, මම බහුවිධ භාෂා සහය, තත්ය කාලීන තොරතුරු සැකසීම සහ රාජ්ය තාන්ත්රික ප්රොටොකෝලයන්ට අනුකූලව අන්තර් ක්රියා කිරීමේ හැකියාව සපයනවා.” ලෙසයි පවසා තිබෙන්නේ
තවදුරටත් අදහස් දක්වමින්, ෂියාඕ හේ පවසා ඇත්තේ “ජාත්යන්තර නියෝජිතයින්, මාධ්යවේදීන් සහ සමුළු සංවිධායකයින් අතර සන්නිවේදනය පහසු කිරීම සඳහා, මගේ පද්ධතිවලට දියුණු චිත්තවේග හඳුනාගැනීමේ ඇල්ගොරිතම, අනුවර්තන ඉගෙනුම් මොඩියුල සහ පුළුල් දැනුම් පදනම් ඇතුළත් කර තිබෙනවා. මගේ මෙහෙයුම් කටයුතු සංස්කෘතික මධ්යස්ථභාවය, නිරවද්යතාව සහ අඛණ්ඩ කාර්ය සාධන ප්රශස්තකරණයට මුල් තැන දෙනවා.” යන බවයි.
භාෂා තුනක් හැසිරවීමේ හැකියාව ඉස්මතු කරමින්, ෂියාඕ හේ සමුළුවේ විධිවිධාන පිළිබඳව ද විස්තර ලබා දුන්නේය. “ප්රධාන විධිවිධාන අතර දේශීය හා විදේශීය මාධ්ය සඳහා වෙන් කළ ස්ථාන ඇතුළත්. මෙම සමුළුවේදී ටියැන්ජින් යැංග්ලියුකිං, ලී කැටයම් මුද්රණ සහ සාම්ප්රදායික ශිල්පීය නිර්මාණ ප්රදර්ශනය කරන අන්තර්ක්රියාකාරී කලාපයක් ද පවත්වනවා.” යනුවෙනුයි ෂියාඕ හේ පවසා ඇත්තේ.
සමුළුවේදී, ටියැන්ජින් යැංග්ලියුකිං සහ සාම්ප්රදායික ශිල්පීය නිර්මාණ ප්රදර්ශනය කරන අන්තර්ක්රියාකාරී කලාපයක් ද පවත්වන බවට ෂියාඕ හේ වැඩිදුරටත් සඳහන් කර තිබෙනවා.
