2320 Views
දවල් කෑම එක කෙසෙල් කොලේක ඔතාගෙන ගිහින් කෑවම කොච්චර රහද. බත් එකේ රස්නෙට තැම්බුණ කෙසෙල් කොලෙන් එන සුවදට එක හුස්මටම බත් එක කාගෙන යන්න හිතෙනවා. හැබැයි ලන්ච්ෂීට් ආවාට පස්සෙ ඒ රසත් පොලිතීන් වලටම යට වෙලා ගියා.
පොලිතින්, ප්ලාස්ටික් නිසා පරිසරයට වෙන්නේ සුළුපටු හානියක් නෙවෙයි. ඒ නිසාම ලංකාවේ අද ඉදන් පොලිතීන් බෑග්, ලන්ච්ෂීට්, ඊ.පී. කෑම පෙට්ටි පාවිච්චිය තහනම්. ඒවා භාවිතා කරලා අහු වුනොත් රුපියල් 10,000 ක දඩයක් කන්න හරි අවුරුදු 2 ක් හිරේ යන්න හරි වෙනවා. මේ නිසා ආපනශාලා හිමියන්ට බත් පාර්සල් ඔතන්න වෙනත් විකල්ප වලට යන්න වෙනවා. ඒ හින්දා කෑම පාර්සලයක මිල අද ඉදන් රුපියල් 10 කින් වැඩි වෙනවාලු. ඊයේ ඔය ආරංචිය ආවේ. එතකොට අද අපිට ආරංචි වුනා තවත් කෑම වර්ග කීපයකම ගාණ වැඩි වෙනවලු. ඒ තමයි කොත්තු, ඉඳිආප්ප, නුඩ්ල්ස්. ඒවත් වැඩි වෙන්නේ රුපියල් 10 කින්.
පරිසරයට ලොකු හානියක් වුන පොලිතීන් තහනම් කරන එකනම් හොද වැඩක්. හැබැයි එකට විකල්පයකුත් හදුන්වලා දීලම. නැත්තම් රුපියල් 10 ට තමයි ඒකට වන්දි ගෙවන්න වෙන්නෙ.
