හලාවත සවරාන මුස්ලිම් විදුහලේ ප්රධාන ශිෂ්ය නායකයා ලෙස කටයුතු කළ සිසුවාට පහරදී ඝාතනය කළ බවට චෝදනා එල්ල වූ සිසුන් තුන්දෙනා ලබන මස 03 වනදා දක්වා රජයේ ළමා නිවාසයක රදවන ලෙස අද නියෝග කෙරුණා.
ඒ සිද්ධියට අදාළ නඩුව අද හලාවත දිසා විනිසුරු සහ මහේස්ත්රාත් මංජුල රත්නායක මහතා ඉදිරියේ විභාගයට ගත් අවස්ථාවේදීයි.
අදාළ සිසුන් තුන්දෙනා මීට පෙර අත්අඩංගුවට ගෙන දෙදෙනෙකු ඇප මත මුදා හැර තිබූ අතර අනෙක් සිසුවා ළමා නිවාසයක රදවා තිබුණා.
සැකකාර සිසුන් හලාවත සවරාන මුස්ලිම් විදුහලේම 10 වන ශ්රේණියේ ඉගෙනුම ලැබූ සිසුන් බවයි පොලිසිය සදහන් කළේ.
හලාවත සවරාන මුස්ලිම් විදුහලේ ප්රධාන ශිෂ්ය නායකයා ලෙස කටයුතු කළ මොහොමඞ් රිස්වි සිසුවා පසුගිය 15 වනදා දේවමෙහෙයකට සහභාගී වී ආපසු යමින් සිටියදී මෙම පහර කෑමට ලක්ව තිබුණා.
ඉන් බරපතල තුවාල ලබා කොළඹ ජාතික රෝහලේ ප්රතිකාර ලබමින් සිටි සිසුවා මියගියේ පසුගිය 23 වනදා අලූයමයි.
Siyatha Top Story | 05:00 PM | Editor : Amila Udaraka