786 Views
වැසි රහිත කාලගුණික තත්ත්වයන් යටතේ ජල විදුලි නිෂ්පාදනයට බලපානු ලබන ගැටලු අවම කිරීම සඳහා කෘත්රිම වැසි ඇතිකිරීමේ ව්යාපෘතියක් ක්රියාත්මක කිරීමට විදුලිබල, බලශක්ති සහ ව්යාපාර සංවර්ධන අමාත්යාංශය පියවර ගෙන තිබෙනවා.
මේ යටතේ වියලි කාලගුණයක් පවතින අවස්ථා වලදී වළාකුළු උපයෝගී කරගනිමින් කෘත්රිම වැසි ඇති කිරීමට පියවර ගනු ලැබේ. තායිලන්ත රජයේ තාක්ෂණික ඥාණය උපයෝගී කරගනිමින්, ලංකාවේ ප්රථම වරට ක්රියාත්මක කිරීම නියමිත මෙම කෘත්රිම වැසි ඇති කිරීමේ ව්යාපෘතිය සඳහා ශ්රී ලංකා ගුවන් හමුදාව මගින් ගුවන් යානා සැපයීමට එකගවීතිබෙනවා.
ඒ අනුව විදුලිබල, බලශක්ති සහ ව්යාපාර සංවර්ධන අමාත්යාංශය යටතේ පවතින ලංකා විදුලිබල මණ්ඩලය සහ ශ්රී ලංකා ගුවන් හමුදාව සමග අවබෝධතා ගිවිසුම් අත්සන් කිරීම, විදුලිබල, බලශක්ති සහ ව්යාපාර සංවර්ධන අමාත්ය රවී කරුණානායක මහතාගේ ප්රධානත්වයෙන් සහ රාජ්ය අමාත්ය චම්පික ප්රේමදාස මහතාගේ සහභාගීත්වයෙන් ඊයේ පෙරවරුවේ ගුවන් හමුදා මූලස්ථානයේදී සිදු කෙරුනා.
මෙහිදී ලංකා විදුලිබල මණ්ඩලය වෙනුවෙන්, විදුලිබල, බලශක්ති සහ ව්යාපාර සංවර්ධන අමාත්යාංශ ලේකම්, ආචාර්ය බී.එම්.එස්. බටගොඩ මහතා සහ ගුවන් හමුදාව වෙනුවෙන් ගුවන් හමුදාපති එයාර් මාර්ෂල් කපිල ජයම්පති මහතා ගිවිසුමට අත්සන් තැබුවා.
