1310 Views
ජනාධිපති මෛත්රීපාල සිරිසේන මහතා පොළොන්නරුව, ලංකාපුර විජිත මහා විද්යාලයේ අද (28) පෙරවරුවේ පැවති උත්සවයක දී ප්රකාශ කළේ ලක්ෂ සංඛ්යාත තරුණ ජීවිත බිලිගනිමින් දිනෙන් දින ව්යාප්තවන නීතිවිරෝධි මත්ද්රව්ය ජාවාරම වළක්වමින් ජාතියේ සහ මතු පරපුරේ අනාගතය සුරක්ෂිත කිරීමට නම් මත්ද්රව්ය ජාවාරම්කරුවන්ට මරණීය දණ්ඩනය ක්රියාත්මක විය යුතු බවයි.
මේ වන විට මත්ද්රව්ය ජාවාරම් සම්බන්ධයෙන් වැරදිකරුවන් වී බන්ධනාගාරගතව සිටින පුද්ගලයන් සිව් දෙනෙකුට මරණීය දණ්ඩනය ලබාදීම සඳහා තමා අත්සන් තබා ඇති අතර ඊට විරුද්ධව කථා කරන සියලූ පිරිස් මත්ද්රව්ය ජාවාරමට සහය වන්නන් බව ද ජනාධිපතිවරයා වැඩි දුරටත් කියා සිටියා.
එබැවින් එම වැඩපිළිවෙළ ආපසු හැරවීමට කිසිවෙකු උත්සහ නොදැරිය යුතු අතර එක්සත් ජාතින්ගේ මහලේකම්වරයා සමඟ ද තමා මේ පිළිබඳ ඊයේ රාත්රීයේ දුරකථන සංවාදයක නිරතවෙමින් කරුණු පැහැදිලි කළ බව ජනාධිපතිවරයා ප්රකාශ කළා.
මෙම දරුණු සමාජ ව්යසනයෙන් ජාතිය ගලවා ගැනීම තමා ආරම්භ කළ දීර්ඝකාලීන වැඩපිළිවෙළක් බවත් එම ගමනේ දී විවිධ බාධා එල්ල වුවද සියලූදෙනාගේ සහයෝගයන් සාර්ථක අවසානයක් කරා මෙහෙයවමින් සිටින බවද මෙහිදී ජනාධිපතිවරයා සදහන් කළා.
