982 Views
පවතින වැසි සහ තද සුළං හේතුවෙන් ප්රදේශ රැසකින් ආපදා තත්ත්වයන් වාර්තා වන අතර මුහුද රළුවීම නිසා හලාවත, කුරුසපාඩුව ප්රදේශයේ පවුල් 52 ක් තාවකාලිකව ඉවත් කිරීමට කටයුතු කළ බවයි පුත්තලම ආපදා කළමණාකරණ ඒකකය පැවසුවා. එම පවුල් හලාවත, වැල්ල රෝමානු කතෝලික දේවස්ථානයේ තාවකාලිකව රැදවීමටද කටයුතු කර තිබෙනවා.
පසුගිය දින කිහිපයේදී මුහුද රළුවීම හේතුවෙන් හලාවත, කුරුසපාඩුව වෙරළ තීරය දැඩි ලෙස ඛාදනයට ලක් වුණ අතර මේ හේතුවෙන් වෙරළට ආසන්නව ඉදිකර ඇති නිවාස රැසකට හානි සිදුවූ බවයි පුත්තලම ආපදා කළමණාකරණ ඒකකය පවසන්නේ. ප්රදේශයේ ජනතාව වැලි කොට්ට යොදා ගනිමින් මුහුදු ඛාදනයෙන් සිය නිවාස බේරා ගැනීමට උත්සාහ කළද එයද අසාර්ථක වී තිබෙනවා.
