911 Views
තිරිගු පිටි මිල පාලනය සදහා මිල සූත්රයක් සැකසීමට කැබිනට් මණ්ඩලය තීරණය කර තිබෙන බව වාර්තා වෙනවා.ජනාධිපති මෛතී්රපාල සිරිසේන මහතාගේ ප්රධානත්වයෙන් ඊයේ (19) රැස්වූ කැබිනට් මණ්ඩල රැස්වීමේදී ඒ සම්බන්ධයෙන් සාකච්ඡා වූ බවයි සදහන් වන්නේ. තිරිගු පිටි සමාගම් අවසරයකින් තොරව මිල වැඩි කිරීම හේතුවෙන් ඒ සදහා මිල සූත්රයක් සැකසීමට කැබිනට් මණ්ඩලයේ එකගතාව පළ වී තිබෙනවා. එහිදී අමාත්යවරුන් කිහිප දෙනෙකුම පවසා ඇත්තේ ඉන්ධන මිල සදහා මිල සූත්රයක් කි්රයාත්මක වනවා සේ තිරිගු පිටි සදහා ද මිල සූත්රයක් කි්රයාත්මක කළ යුතු බවයි.
පසුගිය දිනවල තිරිගු පිටි සමාගම් දෙකක් තිරිගු පිටි කිලෝවක මිල රුපියල් 8 කින් ඉහළ දැමුවා. ඒ සමග ග්රෑම් 450 පාන් ගෙඩියක මිල රුපියල් 5 කින් ඉහළ දැමීමට බේකරි හිමියන්ගේ සංගමය තීරණය කළද පසුව වැඩබලන අමාත්ය බුද්ධික පතිරණ සමග පැවති සාකච්ඡාවකින් අනතුරුව පාන් ගෙඩියක මිල පෙර පැවති මිලටම අලෙවි කිරීමට තීරණය කෙරුණා.
