833 Views
මුස්ලිම් මන්ත්රීවරු කිහිපදෙනෙක් ජනාධිපති මෛත්රීපාල සිරිසේන මහතා ඉදිරියේ ජනාධිපතිවරයාගේ නිල නිවසේදී අමාත්ය ධුරවල දිවුරුම් දුන්නා.
ශ්රී ලංකා මුස්ලිම් කොංග්රසයේ නායක රවුෆ් හකීම් මහතා දිවුරුම් දුන්නේ නගර සැලසුම් ජල සම්පාදන හා උසස් අධ්යාපන අමාත්යවරයා ලෙසයි.
සමස්ත ලංකා මහජන කොංග්රසයේ නායක රිෂාඩ් බදියුදීන් මහතා කර්මාන්ත හා වානිජ කටයුතු දිගුකාලීනව අවතැන් වූ පුද්ගලයින් නැවත පදිංචි කිරීම, සමූපකාර සංවර්ධන සහ වෘත්තිය පුහුණු හා නිපුණතා සංවර්ධන අමාත්යවරයා ලෙස දිවුරුම් දී තිබෙනවා.
අමීර් අලී මහතා කෘෂිකර්ම වාරිමාර්ග හා ග්රාමීය ආර්ථික කටයුතු රාජ්ය අමාත්යවරයා ලෙස දිවුරුම් දුන් අතර අබ්දුල්ලා මහරුෆ් මහතා දිවුරුම් දුන්නේ වරාය හා නාවික කටයුතු නියෝජ්ය අමාත්යවරයා ලෙසයි.
මේ අතර, මීට පෙර කර්මාන්ත හා වානිජ කටයුතු දිගුකාලීනව අවතැන් වූ පුද්ගලයින් නැවත පදිංචි කිරීම, සමූපකාර සංවර්ධන සහ වෘත්තිය පුහුණු හා නිපුණතා සංවර්ධන නියෝජ්ය අමාත්ය ධුරයේ කටයුතු කළ බුද්ධික පතිරණ මහතා එම අමාත්යාංශයේම රාජ්ය අමාත්යවරයා ලෙස ජනාධිපතිවරයා ඉදිරියේ අද දිවුරුම් දී තිබෙනවා.
