8139 Views
ශ්රී ලංකා ජාතික ක්රිකට් කණ්ඩායමේ ප්රධාන පුහුණුකරු චන්දික හතුරුසිංහ මහතාට ශ්රී ලංකා ක්රිකට් ආයතනය යොමු කළ චෝදනා පත්රයට ඒ මහතා පසුගිය සතියේ ලිඛිතව කරුණු දක්වා තිබෙනවා.ශ්රී ලංකා ක්රිකට් ආයතනය මේ මස 7 වැනිදා චෝදනා පත්රයක් යොමු කළ අතර එයට දින 14 ක් තුළ කරුණු දැක්විය යුතුව තිබුණා. ඒ අනුව හෙට (21) දක්වා කරුණු දැක්වීමට කාලය තිබුණ ද හතුරුසිංහ මහතා පසුගිය සතියේ සිය කරුණු දැක්වීමේ ලිපිය ශ්රී ලංකා ක්රිකට් ආයතනයේ ප්රධාන විධායක නිලධාරී ඇෂ්ලි ද සිල්වා මහතාට යොමුකර තිබෙන බවයි පැවසෙන්නේ.
“දැන් ඔහු කරුණු දක්වා තියෙනවා. දැන් අපි එම කරුණු සළකා බැලිය යුතුයි. මොකද ඔහුටත් අවස්ථාව දෙන්න ඕනෙනේ. ඉන් පසුව ඉදිරි පියවර ගන්නවා” යැයි අෂ්ලි ද සිල්වා මහතා වැඩි දුරටත් පවසා තිබුණා.
