782 Views
අභාවප්රාප්ත හිටපු අග්රාමාත්ය දී.මු ජයරත්නගේ දේහයට ජනාධිපති ගෝඨාභය රාජපක්ෂ අද පස්වරුවේ අවසන් ගෞරව දැක්වුවා.
ඒ රාජ්ය ගෞරව දැක්වීම සඳහා දේහය අද පස්වරු 1 ට පාර්ලිමේන්තු පරිශ්රය වෙත රැගෙන ආ අවස්ථාවේදීයි.
හිටපු අග්රාමාත්යවරයාගේ දේහය පස්වරු 3 දක්වා පාර්ලිමේන්තු පරිශ්රයේ තැන්පත් කර තැබුණු අතර, අග්රාමාත්ය මහින්ද රාජපක්ෂ ද දේහයට අවසන් ගෞරව දැක්වුවා.
එමෙන්ම කතානායක කරූ ජයසූරිය, හිටපු ජනාධිපති මෛත්රීපාල සිරිසේන, හිටපු අග්රාමාත්ය රනිල් වික්රමසිංහ ඇතුළු මැති ඇමතිවරුන් රැසක් ද එම අවස්ථාවට එක්ව සිටි බව සදහන්.
රාජ්ය ගෞරව දැක්වීමෙන් අනතුරුව හිටපු අග්රාමාත්ය දි.මු. ජයරත්නගේ දේහය යළි ඔහුගේ නිවසට රැගෙන ගිය අතර දේහය පිළිබඳ අවසන් කටයුතු රාජ්ය අනුග්රහය සහිතව හෙට ගම්පොල – දොලූව – හාලියද් ද ක්රීඩාංගනයේදී සිදුකිරීමට නියමිතයි.
