406 Views
තම ධුර කාලය තුළ පැමිණෙන පළමු රාජ්ය නායකයා ලෙස ශ්රී ලංකාවේ සංචාරයක නිරත වන්නැයි ජනාධිපති ගෝඨාභය රාජපක්ෂ මහතා ඉන්දීය අග්රාමාත්ය නරේන්ද්ර මෝදි මහතාට ආරාධනයක් කර තිබෙනවා.
සිය ඉන්දීය සංචාරය අතරතුර ජනාධිපති ගෝඨාභය රාජපක්ෂ මහතා සහ ඉන්දීය අග්රාමාත්යවරයා අතර ද්විපාර්ශ්වික සාකච්ඡා අද දහවල් පැවැත්වුණා.
ඒ නවදිල්ලියේ පිහිටි ඉන්දීය අග්රාමාත්යවරයාගේ නිල නිවස වන හයිද්රාබාද් හවුස්හිදීයි.
ද්වීපාර්ශ්වික සාකච්ඡාවලින් අනතුරුව රාජ්ය නායකයින් දෙදෙනා ඒකාබද්ධ මාධ්ය ප්රකාශයක් නිකුත් කළ අතර එහිදී ජනාධිපති ගෝඨාභය රාජපක්ෂ මහතා ඉන්දීය අග්රාමාත්යවරයාට ශ්රී ලංකාවේ සංචාරයකට එක්වන ලෙස ආරාධනා කළා.
