කොරෝනා වෙෙරසය ආසාදනය වී සිටි තවත් 415 දෙනෙකු පූර්ණ සුවය ලබා රෝහල්වලින් පිටව ගිය බව සෞඛ්ය අමාත්යාංශය පවසනවා. ඒ සමග මෙරට පූර්ණ සුවය ලැබූ සමස්ත සංඛ්යාව දැක්වෙන්නේ 28,682ක් ලෙසයි. එමෙන්ම තවදුරටත් රෝහල්වල සහ ප්රතිකාර මධ්යස්ථානවල නේවාසිකව ප්රතිකාර ලබන ආසාදිතයින් ගණන 8,403ක්.
සමාජ මාධ්ය භාවිත කරන පුද්ගලයින් ලියාපදිංචි කිරීමේ වැඩපිළිවෙළක් සම්බන්ධයෙන් මාධ්ය හරහා පැතිර යන පුවත සම්බන්ධයෙන් රජයේ ප්රවෘත්ති දෙපාර්තමේන්තුව නිවේදනයක් නිකුත්කර තිබෙනවා. අදාළ නිවේදනය මගින් පෙන්වා දෙන්නේ, සමාජ මාධ්ය නියාමනය සම්බන්ධයෙන් ජනමාධ්ය අමාත්ය කෙහෙළිය රඹුක්වැල්ල මහතා කළ ප්රකාශයක් සම්පූර්ණ අදහස ගම්ය නොවන ලෙස, නිවැරදි අර්ථය නිරූපනය නොවන අන්දමින් සංසරණය වන බවයි. ඒ අනුව අදාළ ප්රකාශයෙන් දක්වා ඇත්තේ සමාජ මාධ්ය […]
අග්රාමාත්ය මහින්ද රාජපක්ෂ මහතා අද, සියම් නිකායේ මල්වතු පාර්ශවයේ උතුරු මධ්යම පළාතේ ප්රධාන සංඝ නායක අටමස්ථානාධිපති අතිපූජ්ය පල්ලේගම සිරිනිවාස නාහිමියන් බැහැ දැක උන්වහන්සේගේ සුව දුක් විමසුවා. එහිදී කොරෝනා වසංගතය හමුවේ ජන ජීවිතය නගාසිටුවීම සම්බන්ධයෙන් රජය ගෙන ඇති ක්රියාමාර්ග සම්බන්ධයෙන් අග්රාමාත්යවරයා නාහිමියන් දැනුවත් කළා. රටේ ආර්ථික, සමාජයීය සහ දේශපාලන ක්රියාදාමයන්ට අදාළ ධර්මානුකූල පිළිවෙත් සම්බන්ධයෙන් අටමස්ථානාධිපති නාහිමියන් […]
විදෙස් රටවල සිට පැමිණ නිරෝධායනය අවසන් කළ මගීන්ට භාණ්ඩ මිල දී ගැනීම සම්බන්ධයෙන් කටුනායක බණ්ඩාරනායක ජාත්යන්තර ගුවන්තොටුපල දැනුම් දීමක් කරනවා. මෙම වසරේ සැප්තැම්බර් පළමුවැනිදා සිට දෙසැම්බර් 16 වැනිදා දක්වා කාලය තුළ නිරෝධායන ක්රියාවලිය අවසන් කළ ගුවන් මගීන්ට කටුනායක ගුවන්තොටුපලේ තීරුබදු රහිත සාප්පු සංකීර්ණයෙන් භාණ්ඩ මිල දී ගැනීමට අවස්ථාව සළසා දී තිබෙනවා. ගුවන් තොටුපල ආරංචි මාර්ග පැවසුවේ, […]
ජාත්යන්තර ක්රිකට් පිටියෙන් සමු ගැනීමට වේග පන්දු යවන ක්රීඩක මොහොමඩ් අමීර් පසුගියදා ගත් තීරණය සම්බන්ධයෙන් පකිස්ථාන ක්රිකට් පාලක මණ්ඩලයේ සාකච්ඡා පැවැත්වෙන බව වාර්තා වනවා. ඒ, පකිස්ථාන ක්රිකට් කණ්ඩායමේ හිටපු නායක ෂාහිඩ් අෆ්රිඩිගේ මැදිහත් වීම මතයි. 28 හැවිරිදි වේග පන්දු යවන ක්රීඩක මොහොමඩ් අමීර් ජාත්යන්තර පිටියෙන් සමු ගැනීමට පසුගියදා තීරණයකර තිබුණේ, ක්රිකට් කළමනාකාරීත්වය සමග කටයුතු කිරීම […]
කතෝලික දේවස්ථාන ඉලක්කකර ගනිමින් ත්රස්ත ප්රහාරයක් එල්ල විය හැකි බවට අසත්ය තොරතුරු පැතිර වූ පුද්ගලයෙක් අත්අඩංගුවට ගෙන තිබෙනවා. එම පුද්ගලයා වට්ස්ඇප් මාර්ගයෙන් අදාළ තොරතුරු පතුරුවා තිබූ අතර එම පණිවිඩයේ සදහන් වී තිබුණේ ඊයේ දිනයේ පැවැති දේව මෙහෙයන් ඉලක්කකර ගනිමින් මෙම ප්රහාර එල්ල වීමට හැකි බවටයි. මෙම පුද්ගලයා වත්තල මහේස්ත්රාත් අධිකරණයට ඉදිරිපත් කිරීමට නියමිතව තිබෙනවා. පොලිසිය […]
ප්රභල මත්ද්රව්ය ජාවාරම්කරුවෙකු වන “බත්තරමුල්ලේ” සංජු නැමැත්තාගේ ගෝලයෙකු වන “තලාහේනේ බඩි” නැමැත්තා මත්ද්රව්ය සමග අත්අඩංගුවට ගෙන තිබෙනවා. පොලිසිය පැවසුවේ, අදාළ පුද්ගලයා හෙරෝයින් සහ අයිස් මත්ද්රව්ය සමඟ මෙලෙස අත්අඩංගුවට ගෙන ඇති බවයි. ජාවාරම්කාර බත්තරමුල්ලේ සංජු නැමැත්තා මේ වනවිට ඩුබායිහි සැඟවී සිටින බවයි පොලිසිය ප්රකාශ කළේ.
වේයන්ගොඩ, මාලිගාතැන්න ප්රදේශයේදී පෙදරේරුවෙකුට පහර දී බරපතල තුවාල සිදු කළ පුද්ගලයින් දෙදෙනෙකු සොයා පොලිසිය පුළුල් පරීක්ෂණ ආරම්භකර තිබෙනවා. පොලිසිය පැවසුවේ, තුවාල ලැබූ පුද්ගලයාගේ අතක් සහ පාදයක් ගතින් වෙන් වන ලෙස කඩුවකින් කපා තිබූ බවයි. බරපතල තුවාල ලැබූ පුද්ගලයා, ශරීරයෙන් වෙන් වූ කොටසක් සමග රෝහල්ගතකර තිබූ අතර ඔහු මේ වනවිට කොළඹ ජාතික රෝහල වෙත මාරුකර යවා […]
බස්නාහිර පළාතේ සහ හුදෙකලාකර ඇති ප්රදේශවල හැර සෙසු ප්රදේශවල සියලුම පෙර පාසල් සහ ප්රාථමික අංශ යළි විවෘත කිරීමට අධ්යාපන අමාත්යාංශය තීරණයකර තිබෙනවා. අධ්යාපන අමාත්ය මහාචාර්ය ජී.එල්. පීරිස් මහතා පැවසුවේ ඒ අනුව අදාළ ප්රදේශවල පෙර පාසල් සහ 1 ශ්රේණියේ සිට 5 ශ්රේණිය දක්වා ප්රාථමික අංශ 2021 වසරේ ජනවාරි මස 11 වැනිදා සිට යළි විවෘත කරන බවයි.
ආගරපතන ප්රාදේශීය සභාවේ සභාපතිවරයාට කොරෝනා වෙෙරසය ආසාදනය වී ඇති බව ඊයේ සිදු කළ පී.සී.ආර්. පරීක්ෂණයකදී තහවුරු වී තිබෙනවා. ඒ අනුව සභාපතිවරයා ඇතුළු ඔහුගේ පවුලේ සාමාජිකයින් නිරෝධායනයට යොමුකර තිබුණා. කෙසේ වෙතත් අදාළ සෞඛ්ය උපදෙස්වලට පටහැනිව යමින් ප්රාදේශීය සභා සභාපතිවරයා රැස්වීම් කිහිපයකටත් සහභාගී වී ඇති බවටයි වාර්තා වන්නේ. ඔහු සහභාගී වූ රැස්වීම් සඳහා නුවරඑළිය, තලවාකැලේ ලිඳුල, කොටගල, ආගරපතන, […]
මුව ආවරණ නොපැළඳ සෙළ්ෆි ඡායාරූපයකට පෙනී සිටි චිලී රාජ්යයේ ජනාධිපති සෙබස්තියන් පිනේරාට දඩ නියමකර ඇති බව විදෙස් මාධ්ය වාර්තා කරනවා. එම මාධ්ය වාර්තා පෙන්වා දෙන්නේ ඇමෙරිකානු ඩොලර් 3500ක දඩ මුදලක් ජනාධිපතිවරයාට එලෙස නියමකර ඇති බවයි. චිලී ජනාධිපතිවරයා කාන්තාවක් සමග මුව ආවරණයක් නොමැතිව වෙරළ තීරයකදී ගත් සෙල්ෆි ඡායාරූපයක් චිලී රාජ්යයේ සමාජ මාධ්ය ඔස්සේ සංසරණය වී තිබුණා. […]
කොරෝනා වසංගත තත්ත්වය හේතුවෙන් මේ වනවිට වසා දමා ඇති පාසල් යළි විවෘත කිරීම පිළිබද තීරණයක් අද දිනයේ ගන්නා බව අධ්යාපන අමාත්ය මහාචාර්ය ජී.ඒල්. පීරිස් මහතා පවසනවා. කෙසේ වෙතත් ඒ පිළිබද අදහස් දක්වමින් අමාත්යවරයා පෙන්වා දුන්නේ බස්නාහිර පළාත තුළ පවතින තත්ත්වය හමුවේ එම පළාතේ සියලුම පාසල් එකවර විවෘත කිරීමේ හැකියාවක් නොමැති බවයි.