1095 Views
Mumbai Indians සහ Kolkata Knight Riders කණ්ඩායම අතර තරඟයක් ඊයේ පැවැත්වුණා. පරාජයේ රැල්ලකට හසුවෙලා හිටිය මුම්බායි පිලට පහසු ජයක් ඒ තරඟයෙන් හිමි වුණා. මුලින්ම පන්දුවට පහර දුන්න මුම්බායි පිතිකරුවන් ලකුණු 181 ක් රස කරා.
පළවෙනි කඩුල්ලට ලකුණු 91 ක සබඳතාවයක් යාදව් සහ ලෙවිස් ගොඩනැගුවා. ලෙවිස් ලකුණු 43 යි. යාදව් ලකුණු 59 යි. 4 පහර 7 කින් සහ 6 පහර 2 කින් ඔහුගේ ඉනිම වර්ණවත් වුණා. හාර්තික් පාණ්ඩ්යා නොදැවී ලකුණු 35 යි.
සුනිල් නරයින් සහ රසෙල් කඩුලු 2 බැගින් දවා ගත්තා. මුම්බායි පිලට ලකුණු 181 ලබා ගන්න කඩුලු 4 ක් වැය වුණා. ලකුණු 82 ක් හඹා ගිය කොල්කටා කණ්ඩායමේ පලවෙනි කඩුල්ල ලකුණු 28 කට බිඳ වැටුණා.
කණ්ඩායම ගොඩ ගන්න උත්සහා කල රොබින් උතප්පා ලකුණු 54 යි. ඔහුගේ ඉනිම 4 පහර 6 කින් සහ 6 පහර 3 කින් වර්ණවත් වුණා. රානා ලකුණු 31 යි. නායක දිනේෂ් කාර්තික් නොදැවී ලකුණු 36 යි.
පන්දුවාර 20 අවසන් වෙද්දී කොල්කටා පිතිකරුවන්ට ලබා ගන්න පුළුවන් වුණේ ලකුණු 166 ක් විතරයි. ඔවුන්ගේ කඩුලු 6 ක් බිඳ වැටුණා. හාර්තික් පාණ්ඩ්යා කඩුලු 2 යි. තරඟයේ වීරයා සම්මානය ලැබුනෙත් හාර්තික් පාණ්ඩ්යාට.
