එංගලන්තයේ පිහිටෙන් ටෙස්ට් ශ්‍රේණිගත කිරීම් වල ඉහළට යන්න ශ්‍රී ලංකාවට අවස්ථාවක්.

2324 Views

ටෙස්ට් තරඟ වල වේගයෙන්ම ඉහළට එන කණ්ඩායම බවට ශ්‍රී ලංකාව පත් වෙලා තියෙනවා. දකුණු අප්‍රිකාව සමඟ තිබ්බ ටෙස්ට් තරඟාවලියත් 2 – 0 ක් විදියට ශ්‍රී ලංකාව ගත්තා.

ලංකාවට ඊළඟ ටෙස්ට් තරඟාවලිය තියෙන්නේ එංගලන්තය එක්ක. එංගලන්තය ලබන නොවැම්බර් මාසයේදී ශ්‍රී ලංකාවේ සංචාරයක නිරත වෙනවා. ඒ තරඟ 3 ක ටෙස්ට් තරඟාවලියකටත් එක්ක. මේ ටෙස්ට් තරඟාවලියේදී ලංකාවට ICC ටෙස්ට් ශ්‍රේණිගත කිරීම් වල ඉහළට එන්න අවස්ථාවක් ලැබිලා තියෙනවා.

හැබැයි ඒකට එංගලන්තය සමඟ ටෙස්ට් තරඟාවලිය 3 – 0 ක් විදියට ජයග්‍රහණය කරන්න ඕන. තරඟ 3 ම ලංකාව දින්නොත් ශ්‍රේණි ලකුණු 05 ක් ලංකාවට ලැබෙනවා. එවිට ලංකාවට ටෙස්ට් ශ්‍රේණිගත කිරීම් වල 4 දක්වා ස්ථාන 2 ක් ඉහළට එන්න පුළුවන්.

කොහොම වුනත් මේ දවස්වල ඉන්දියාව සමඟ පවත් වෙන ටෙස්ට් තරඟාවලිය එංගලන්තය විශිෂ්ඨ විදියට ජය ගනිමින් ඉන්නවා. ඒ තරඟාවලිය 4 – 0ක් විදියට එංගලන්තය ජය ගත්තොත් ඔවුන්ට ශ්‍රේණි ලකුණු 05 ක් ලැබෙනවා. එවිට ඔවුන් 4 වන ස්ථානයට ඉහළට එනවා.

හැබැයි ලංකාව එංගලන්තය 3 – 0 ක් විදියට පරාජය කලොත් ලංකාවට 4 වන ස්ථානය දිනා ගන්න පුළුවන්.